OKB paralajmëron vuajtje nga uria pas dështimit të marrëveshjes për grurin

Pixabay: Ilustrim

Komet e Bashkuara kanë paralajmëruar rritje të çmimeve të drithërave menjëherë pas largimit të Rusisë nga marrëveshja ku i jepte mundësi Ukrainës të transportonte ato përmes Detit të Zi.

Sipas OKB-së, kjo do sjellë edhe një uri në mesin e banorëve, shkruan Radio Evropa e Lirë.

Që të mërkurën, çmimet e grurit kanë shënuar rritje për 8.% dhe tani një ton shitet për 253.75 euro, derisa çmimi për misrin u rrit për 5.4%, përcjell albinfo.ch.

“Çmimet e larta do t’i vërejnë më së shumti familjet në vendet në zhvillim”, ka thënë shefi i OKB-së për Ndihma, Martin Griffiths, duke shtuar se rreth 363 milionë njerëz në 69 shtete kanë nevojë për ndihmë humanitare, shkruan REL.

Qëllimi i marrëveshjes ishte ta zbuste krizën globale të ushqimit.

 “Disa do të uriten, disa do të dërrmohen, disa edhe mund të vdesin si pasojë e këtyre vendimeve”, ka thënë ai, përcjell albinfo.ch.

Programi i OKB-së për Ushqime, po ashtu, ka dërguar 725.000 tonë të grurit ukrainas në operacionet e ndihmës në Afganistan, Xhibuti, Kenia, Etiopi, Somali, Sudan dhe Jemen.