“Olen Çesari, ambasador i shkëlqyer i kulturës shqiptare“

Violinisti i njohur Olen Çezari dhe grupi i tij “International Clandestine Orchestra” mbrëmë në sallën e Pallatit të Kongreseve kanë mbajtur një koncert që krijuan një atmosferë të këndshme për publikun. 

Pjesë e këtij koncerti ishte edhe Presidenti i Shqipërisë, Ilir Meta. Ai violinistin Olen Çesari e ka quajtur si ambasador të shkëlqyer të kulturës shqiptare në botë. Meta ka publikuar edhe një video nga koncerti i mbrëmshëm i violinistit të madh shqiptar Olen Cesari në facebook ku ka treguar emocionet e tij për koncertin, përcjell albinfo.ch.

 “Me shumë emocion ndoqa mbrëmë koncertin e violinistit të madh shqiptar, Olen Cesari, që i shoqëruar nga grupi i tij “International Clandestine Orchestra” dhe artistë me famë botërore, i dhuroi Tiranës një natë magjike dhe një festë të jashtëzakonshme”, ka shkruar ai.