Olympiacosi në Londër, një shqiptar në ekip

Olympiacosi do të udhëtojë drejt Londrës, ku të enjten do të tentojë përmbysjen e madhe ndaj Arsenalit në rundin e 1/16 të Europa League. Skuadra greke do të ketë një forcë më shumë në këtë sfidë, ku e pret një mision shumë i vështirë.

Sot Olimpiacos ka zyrtarizuar edhe listën e futbollistëve të ftuar për ndeshjen ndaj topçinjve. Ajo që bie në sy është ftesa për në ekipin e parë të Emiliano Bullarit.

Sulmuesi i Shpresave kuqezi është pjesë e ekipit të rinjve të Olimpiacos, por me paraqitjet e tij ka bindur dhe tashmë ka fituar hapësira në ekipin A.

Në fakt, 18-vjeçari pritej të ishte prezent që në ndeshjen e parë, megjithatë mundësia është shfaqur sërish dhe Bullari shpreson të ketë minuta në dispozicion, shkruan TCH, përcjell albinfo.ch.

---