OpenAI vjen me modelin e ri të avancuar në dhjetor

Ilustrim, Open AI

OpenAI ka planifikuar të lansojë modelin e saj më të avancuar Orion në dhjetor, raportoi The Verge. Ndryshe nga debutimet e kaluara, kompania ka planifikuar ta lansojë modelin gradualisht, duke filluar nga partnerët e besueshëm te një lansim më i gjerë përmes ChatGPT.

Por TechCrunch tha se një përfaqësues i kompanisë ishte shprehur që raportimi nuk ishte i saktë, duke mos dhënë më tepër detaje.

The Verge shkruante se inxhinierët e Microsoft presin debutimin e Orion që prej muajit nëntor, edhe pse është e paqartë se si do të quhet modeli i OpenAI.

Seritë o1 kishin emrin e koduar “strawberry” që përdorej brenda kompanisë disa muaj përpara debutimit.

Krahas lansimit të modelit të ri, kanë ndodhur shumë zhvillime të tjera pranë OpenAI. Startupi ngriti një financim prej 6.6 miliardë dollarësh me një vlerësim prej 157 miliardë dollarësh, ndërsa investitorët po presin që OpenAI të rrisë kapacitetet e modeleve të saj. /PCWorld Albanian