Operacioni “Lulet e pranverës”, arrestohen 27 persona në Itali e Shqipëri

Prokuroria e Krimeve të Rënda e Policia Shqiptare në bashkëpunim me policinë italiane kanë publikuar rezultatet e një operacioni ndërkombëtar të trafikut të drogës të koduar ‘Lulet e Pranverës’. Operacioni thanë ata ka qenë i sukseshëm pasi kanë  goditur katër  grupe kriminale dhe është finalizuar me 27 të arrestuar, 21 prej të cilëve shqiptarë të arrestuar në Shqipëri e Itali. 

Në konferencën e organizuar në Tiranë mori pjesë edhe prokurori i Antimafias italiane, De Raho i cili tha se operacioni në Shqipëri është shtrirë në disa qytete, si në Durrës, Vlorë dhe në Lezhë. De Raho tha se shkatërrimi i katër grupeve kriminale është bërë nga një skuadër e përbashkët mes Shqipërisë dhe Italisë. 

Sipas tij, sasia e drogës që trafikonin këto grupe kriminale me qendër më Lece kishte si denstinacion vendet europiane. ‘Lulet e Pranverës” është operacioni i parë i skuadrës së përbashkët hetimore mes autoriteteve italiane dhe shqiptare.