Opozita në Shqipëri, e vendosur për djegien e mandateve 

Partia Demokratike do ta mbledhë kryesinë, ku mësohet se kryetari i saj, Lulzim Basha, do t’i komunikojë vendimin për djegien e mandateve.

Ndërkohë të mërkurën PD-ja pritet të mbledhë edhe Këshillin Kombëtar. Një ditë më parë, PD-ja, LSI-ja dhe aleatët njoftuan të gjithë bashkë se do të djegin mandatet e deputetëve, duke kërkuar dorëheqjen e Ramës dhe krijimin e një qeverie tranzitore, për zgjedhje të lira dhe të ndershme. 

Kreu i PD-së, Lulzim Basha, u shpreh i vendosur se nuk ka kthim prapa në vendimin për djegien e mandateve, përcjell albinfo.ch.

Basha tha se opozita do të jetë në krah të shqiptarëve. “Nuk ka lëvizje më pro Evropës dhe integrimit në Evropë sesa kjo që ka vendosur opozita. Nuk ka kthim prapa, nuk është vetëm djegie mandatesh, nuk do ketë më parlament fasadë”, theksoi ai.