Opozita në Shqipëri nuk merr pjesë në Kuvend

Pas polemikave dhe konflikteve mes pozitës dhe opozitës në Shqipëri, kjo e fundit nuk ka marrë pjesë në kuvend pë ligjin për godinën e teatrit.

Opozita në Shqipëri po pretendon se është falsifikuar vota në votimin e Ligjit për godinën e teatrit, andaj ata nuk kanë marrë pjesë në seancën e Kuvendit që u mbajt këtë të hënë.

Në seancë ishin vetëm dy përfaqësues të opozitës, Edmon Spaho nga PD dhe Petrit Vasili nga LSI. Opozita ka depozituar një kërkesë dy ditë më parë, ku pretendon se është falsifikuar vota në votimin e Ligjit për godinën e teatrit.

“Është një kërkesë e cila qartëson në sallën e Kuvendit se çdo standard ka rënë. Dy javë më parë iu hoq mundësia opozitës të fliste. Është depozituar kërkesa dy ditë më parë. Ka qenë koha e duhur për të bërë investigim. Është një standard shumë i ulët. Është e papranueshme që në këtë situatë ne të bëjmë sikur nuk ka ndodhur asgjë. Nuk mund të hapej seanca. Kjo situatë të sqarohet”, tha Vasili.