Ora policore në Shqipëri nga sot shkurtohet

©FB/Bashkia e Tiranës

Në Shqipëri, Komiteti teknik i ekspertëve për përballje me pandeminë Covid-19 solli disa masa lehtësuese, duke përfshirë uljen e kohëzgjatjes së orës policore për dy orë.

Ministrja e Shëndetësisë, Ogerta Manastirliu, e cila është anëtare e komitetit, duke njoftuar vendimin për të lehtësuar disa masa në vend, tha se kjo ishte për shkak të stabilizimit të situatës epidemiologjike dhe përparimit në procesin e vaksinimit.

“Gjatë vlerësimit të situatës në 6 javët e fundit, Komiteti i ekspertëve vendosi që lëvizja e kufizuar të zgjasë nga ora 22:00 deri në orën gjashtë. Gjithashtu, duke pasur parasysh përmirësimin e dukshëm të situatës në Mbretërinë e Bashkuar, një vend shembull me imunizim, ne kemi vendosur të rihapim fluturimet me këtë vend”, tha Manastirliu.

Mësimi në të gjitha nivelet e arsimit, përveç për maturantët, vazhdon onlajn.

Duke theksuar se lehtësimi vjen si rezultat i situatës shumë të përmirësuar epidemiologjike dhe për shkak të muajit të shenjtë të Ramazanit, Manastirliu u bëri thirrje qytetarëve të vazhdojnë respektimin e rreptë të masave anti-kovid.

“Procesi i imunizimit vazhdon sipas planit të përcaktuar. Vaksinimi i personave mbi 65 vjeç është duke u zhvilluar dhe të hënën ne fillojmë me spitalin kronik mbi 60 vjeç, të cilët kanë raportuar dhe ende mund të raportojnë tek mjekët e tyre të familjes. Deri më tani, një total prej 256,848 njerëz janë vaksinuar, duke përfshirë 182,669 njerëz të moshuar”, tha ajo.

Vendimi i Komitetit të ekspertëve hyn në fuqi nesër (më 12 prill) dhe ka të bëjë për dy javët e ardhshme.