Pa marrëveshje

Serbia nuk ka pranuar marrëveshjen e propozuar nga Bashkimi Europian për menaxhimin e integruar të kufijve

Shefja e delegacionit të Kosovës, Edita Tahiri, ka thënë se Serbia nuk ka pranuar marrëveshjen e propozuar nga Bashkimi Europian për menaxhimin e integruar të kufijve.

Tahiri, ka theksuar se Kosova e ka pranuar marrëveshjen ndërsa Serbia jo. Ajo shpreson se Bashkimi Europian do t’i bëjë presion Serbisë për ta pra pranuar marrëveshjen për kufijtë. 

Edhe shefi i delegacionit të Serbisë, Borislav Stefanoviq, e ka konfirmuar për mediet serbe se takimi ka përfunduar pa marrëveshje.

Ende nuk është e qartë nëse ky raund bisedimesh do të vazhdojë edhe të premten apo ndërmjtësuesi evropian Cooper do ta shpallë të mbyllur.