Pajtimi në Ballkan ose “Make Peace, not War”

“Make Peace, not War” është një aktivitet përcjellës në kuadrin e ekspozitës “100 Jahre für Gewaltfreiheit”, me rastin e jubileut 100 vjeçar të Federatës Ndërkombëtare të Pajtimit IFOR Zvicër.

Ekipe vullnetarësh kundër pastrimeve etnike në Kroaci, dialog në mes serbëve dhe shqiptarëve pak para shpërthimit të luftës, mbështetja e refugjatëve për kthimin e tyre në Kosovë, janë disa nga aktivitetet e organizatës në fjalë.

Me rastin e 100 vjetorit të ekzistimit të saj, Federata e Pajtimit/IFOR Schweiz bën një bilanc të angazhimit aktiv kundër dhunës, para, gjatë dhe pas luftëaeve ballkanike të viteve `90 .

Kofliktet në Ish Jugosllav kanë lënë plagë të thella, që edhe sot janë të ndjeshme. Por megjithatë ky regjion ka më shumë për të ofruar se sa vetëm trashëgiminë e vet të luftës dhe kryetitujt negativë. Rrëfimet pozitive mbi respektin e ndërsjellë, miqësinë dhe paqen që kalon kufijtë e përkatësisë etnike, janë ato që i tregon SCI Schweiz. Së bashku me partnerë lokalë, SCI Schweiz organizon projekte vullnetare në Kosovë dhe në Serbi – afër 100 vjet pasi që Pierre Ceresole ishte bërë sekretar drejtues i IFOR dhe pak pastaj SCI kishte organizuar kampin e punës për pajtimin në mes të gjermanëve dhe francezëve.

Aktiviteti mbahet të premten, më 26 shkurt duke filluar në orën 19.00

Adresa: Schweizerischer Friedensrat

Gartenhofstrasse 7

8004, Zürich