Pamje: Aeroplani ukrainas u godit nga dy raketa

Gazeta “New York Times” ka shfaqur një video që tregon forcat ajrore iraniane duke gjuajtur dy raketa në një ‘Boeing 737’ të Ukrainës, i cili u rrëzua kohët e fundit pranë Teheranit.

Sipas pamjeve, një raketë qëlloi së pari aeroplanin ukrainas dhe një tjetër tridhjetë sekonda më vonë.

Pasi një raketë tjetër goditi shënjestrën, aeroplani ishte në ajër për rreth gjashtëdhjetë sekonda, pas së cilës e kapi zjarr dhe filloi të përplaset, përcjell albinfo.ch.

Pamjet u morën me një aparat fotografik të montuar në çatinë e një ndërtese jo larg fshatit Bidkane, në periferinë e Teheranit.

Aeroplani i Ukrainës që fluturonte nga Teherani në Kiev, u rrëzua menjëherë pasi u nis nga aeroporti i Teheranit më 8 janar në mëngjes. Të gjithë pasagjerët dhe ekuipazhi u vranë, me gjithsej 176 persona: 167 pasagjerë nga Irani, Ukraina, Kanada, Gjermania, Suedia dhe Afganistani, dhe nëntë anëtarë të ekuipazhit.

Të shtunën, ushtria iraniane njoftoi se aeroplani i Ukrainës u qëllua aksidentalisht dhe se shkaku ishte fajësia njerëzore: aeroplani fluturoi pranë objektit ushtarak të Iranit dhe u pa gabimisht si një “objektiv i armikut” – një raketë fluturuese, transmeton KP.

Irani vuri në dukje se ishte në pritje të një sulmi amerikan, i cili i bëri sistemet e mbrojtjes ajrore të vendit në gatishmëri të plotë luftarake.

---