Pamje spektakulare nga vullkani që derdhet në det

scrennshot

Shpertheu vullkani në ishullin Stromboli pranë Sicilisë, duke ofruar një pamje sa të frikshme, aq edhe spektakulare. Llava u filmua teksa derdhej në det nga rreth 750 metra lartësi. Autoritetet italiane thanë se llava arriti në bregdet për 26 sekonda nga momenti i shpërthimit, me një shpejtësi rreth 50 metra në sekondë, përcjell albinfo.ch.

Kryetari i Bashkisë, Riccardo Gullo, u tha rreth 500 banorëve që jetojnë në ishull që të qëndrojnë në shtëpi, larg dyerve dhe dritareve për shkak se spostimet e ajrit të shkaktuara nga shpërthimi mund të thyejnë xhamat.

Shpërthimi i së dielës është i disati që ndodh që prej fundit të shtatorit, por deri tani nuk janë raportuar viktima apo të lënduar. Vullkani në fjalë është ndër më aktivët në botë dhe sipas Institutit Italian të Vullkaneve, shpërthimet e tij janë dokumentuar që nga lashtësia, nga burimet greke dhe latine.