Pandemia në Zvicër: Më vështirë për pagimin e qirasë

Organizata e qiramarrësve po bën thirrje për më shumë mbrojtje kundër anulimit të kontratave të qirasë dhe moratoriumeve mbi dëbimet

Pothuajse 44% e qiramarrësve të anketuar janë shprehur se dalja për të bërë pagesën  e qirasë tani është më e vështirë se sa ishte para Covid-19, sipas ASLOCA, një shoqatë e qiramarrësve.

Pas studimit, organizata po bën thirrje për më shumë mbrojtje kundër anulimit të kontratave të qirasë dhe moratoriumeve mbi dëbimet, shkruajnë mediat zvicerane, përcjell albinfo.ch.

Arsyeja kryesore e përmendur për vështirësitë aktuale financiare me të cilat përballeshin gjatë pagimit të qirasë ishte rënia e të ardhurave nga më pak orë pune, mbyllja e pjesshme e biznesit ose humbjet e vendeve të punës në lidhje me Covid-19.

Midis atyre që rrezikojnë më shumë të humbasin pagesat e qirasë, 49% thanë se kanë frikë se kontrata e tyre e qirasë do të anulohet gjatë dy viteve të ardhshme për shkak të pagesave të vonuara të qirasë.

Sondazhi u zhvillua në internet nga 14 në 28 shtator 2020.

---