Panifikohen investime në Brezovicë

Qeveria e Kosovës është duke planifikuar ndërtimin e një kompleksi të ri turistik në Brezovicë.

Për ndërtimin e një kompleksi të ri turistik në Brezovicë, pritet të investohen rreth 100 milionë euro. Ndërtimi i këtij kompleksi pritet që t’ia rrisë vlerën edhe objektit tjetër ekzistues në kompleksin e Brezovicës, shkruan Express.

Investimet po bëhen për të rritur vlerën e kësaj qendre në procesin e privatizimit të saj, kanë thënë zyrtarë të lartë qeveritarë, të cilët tashmë janë duke përgatitur edhe privatizimin dhe ndërtimin e objektit të ri në këtë zonë.

Ministrja e Tregtisë dhe e Industrisë, Mimoza Kusari – Lila, ka deklaruar se ende nuk është definuar mënyra e privatizimit të kësaj qendre turistike.

Ajo ka theksuar se Qeveria e Kosovës e ka formuar edhe një komision ndërministror për Brezovicën, i cili, së bashku me këshilltarin e transaksionit prej USAID’it, do të fokusohen në përgatitjet për zhvillimin e zonës së re turistike.