Papunësia në BE, më e ulëta nga viti 2011

Shkalla e papunësisë që nga gushti i vitit 2011 nuk ka qenë asnjëherë më e ulët se aktualisht. Në muajin mars kjo shkallë ka rënë për 0.2 për qind në krahasim me një muaj më parë, gjegjësisht ka shënuar 10.2 për qind.

Kështu, siç bën të ditur Eurostat me seli në Luksemburg, në 19 shtete të BE-së në mars ishin të regjistruar 16.4 milionë të papunë.

Edhe në Bashkimin Evropian, të marrë në tërësi është shënuar një përmirësim i gjendjes në tregun e punës. Në të gjitha shtetet anëtare, 28 sosh, në muajin mars shkalla e papunësisë ishte 8.8 për qind që i bie 0.1% më pak se në muajin paraprak.