Paralajmërime për përmbytje në gjithë Gjermaninë

(KEYSTONE/Urs Flueeler)

Shërbimi i motit i Gjermanisë lëshoi paralajmërime për gjashtë shtete, duke shtuar se shiu i dendur do të vazhdojë deri në ditën e Krishtlindjes. 100-150 litra për metër katror mund të zbresin në një periudhë prej 48 deri në 96 orë në disa zona, përcjell albinfo.ch.

Sipas autoriteteve, reshjet e dendura të fundit të shiut në gjithë Gjermaninë kanë rritur rrezikun e përmbytjeve në disa shtete, shkruan DW.

Shërbimi gjerman i motit – DWD lëshoi paralajmërime për Saksoninë në lindje dhe Saksoninë e Poshtme në veriperëndim, si dhe Bavarinë në juglindje dhe Hessen, North-Rhine Westphalia dhe Rheinland-Pfalz në perëndim.

Ku u dhanë alarmet për përmbytje?

Niveli i tretë më i lartë nga katër nivelet e paralajmërimit u arrit në 30 stacione matëse herët të dielën në Saksoninë e Ulët.

Pragu u tejkalua në disa lumenj, duke përfshirë Weser, Aller, Leine dhe Oker.

Shërbimet e urgjencës siguruan stacione transformatorësh në rrethin Rodenberg në lindje të Hanoverit, njoftoi agjencia gjermane e lajmeve DPA.

Kryetari i Bashkisë së Rodenberg, Thomas Wolf, tha se uji po rrjedh mbi një pengesë kundër përmbytjeve dhe se bashkia nuk kishte parë përmbytje të krahasueshme në 25 vjet.

Qendra e parashikimit të përmbytjeve në shtetin lindor të Saksonisë-Anhalt lëshoi paralajmërime për lumenjtë Mulde, Aller dhe Havel.

Alarmi 3 u arrit në pjesë të shtetit juglindor të Saksonisë, duke përfshirë qytetin e Chemnitz.

Në zonën e Luginës së Ruhrit, e cila përfshin qytetet Dortmund, Essen, Duisburg dhe Bochum, shiu i dendur shkaktoi ndërprerje në linjat hekurudhore.

Të shtunën, në një periferi të përmbytur të Münster në North-Rhine Westphalia, zjarrfikësit shpëtuan një grua që ishte bllokuar në makinën e saj.