Parlamentarët evropian duan sqarim të rolit të BE-së në Kosovë

Në një debat me Drejtorin menagjues për Ballkanin Miroslav Lajcak në komitetin për politikë të jashtme të parlamentit Evropian është folur për “ruigrupimin” e pranisë së BE-së në Kosovë. Deputetja Doris Pack ka vërejtur se “BE-ja e ka humbur tashmë rolin në Kosovë sepse gjithçka vendos ambasadori Dell me 3 persona”.

Disa deputet të Parlamentit Evropian po ashtu kanë kërkuar nga Lajcak që BE-ja t’ia bëj me dije Beogradit që të mos pengojnë integrimin e serbëve të Kosovës në institucionet Kosovare dhe pjesëmarrjen e tyre në regjistrimin e popullsisë. Ndërkohë nuk është lënë pa u diskutuar edhe zgjedhja e presidentes. 

A e dini ju kush është Presidente e Kosovës dhe a mund të na thoni diçka për të? Kështu iu është drejtuar Jelko Kacin Deputeti i Parlamentin Evropian nga Sllovenia Drejtorit menaxhues për Ballkainin Miroslav Lajcak. Ky i fundit i është përgjigjur se nuk di më shumë sesa që kanë dëgjuar edhe vet deputetët por se siç është shprehur: “me rëndësi është se zgjedhja e sajë shënon evitimin e një krize Kushtetuese në Kosovë”.

Shumë deputet të Parlamentit Evropian në faktë pyetjet rreth Presidentës së Kosovës i bëjnë për të shprehur në mënyrë ironike mënyrën se si është zgjedhur ajo në këtë postë dhe se si rolin kryesorë në këtë proces e ka luajtur Ambasadori Amerikan Christopher Dell.