Parlamenti, kundër ndalimit të Qendrës për Studime Islame

Parlamenti i Kantonit të Friburgut e ka shpallur me shumicë votash të pavlefshme iniciativën parolmentare të SVP/UDC-së për ndalimin e hapjes së Qendrës së Studimeve Islame në kuadrin e Universitetit të Friburgut.

Duke votuar kështu, parlamentarët kanë ndjekur rekomandimin e bërë nga Qeveria e Kantonit. Në atë rekomandim thuhej se iniciativa e SVP/UDC-së ka karakter diskriminues dhe përbën shkelje të Kushtetutës Federale.

Univesriteti i Friburgut, siç e shpreh në qëndrimin e proklamjuar, me ngritjen e Qendrës për Studimet Islame synon që të përballet me raportin ndërmjet islamit dhe shoqërisë evropiane, transmeton albinfo.ch. Njëherësh kjo qendër është në fakt instituti i parë i këtij lloji që është hapur deri më tash në ndonjërin nga universitetet e Zvicrës.