Për 9 muaj, 501 milionë euro nga mërgimtarët

Në krahasim me të njëjtën periudhë të një viti më parë, është shënuar një rritje prej 7.9%

Të ardhurat që emigrantët kanë sjellë tek të afërmit e tyre në 9 muajt e këtij viti arritën në 501 milionë euro, sipas statistikave të fundit të Bankës së Shqipërisë.

Në krahasim me të njëjtën periudhë të një viti më parë, është shënuar një rritje prej 7.9%.

Në tremujorin e tretë të vitit, që përkon me periudhën sezonale kur emigrantët kthehen në shtëpitë e tyre për pushime, ata sollën në vend rreth 170 milionë euro, me një  2.3 % në krahasim me të njëjtën periudhë të një viti më parë, transmeton ‘monitor’.

Të dhëna të tjera të Bankës së Shqipërisë bënë të ditur se në të njëjtën periudhë u konstatua dhe një rritje e ndjeshme e depozitave në valutë, teksa një pjesë e kursimeve janë depozituar në bankat në Shqipëri. Në dy muajt gusht-shtator, stoku i kursimeve në valutë, ku mbizotëron euro, u rrit me 17 miliardë lekë, ose rreth 134 milionë euro, përcjell albinfo.ch.

---