Me rezultat 1-0, përfundon pjesa e parë e ndeshjes Shqipëri-Poloni

Foto FB: Federata Shqiptare e Futbollit

Në stadiumin “Air  Albania”, në Tiranë, sonte nga ora 20:45 ka filluar ndeshja Shqipëri-Poloni në kuadër të kualifikimeve për “Euro 2024”. Para fillimit të ndeshjes me një minutë heshtje janë respektuar viktimat e tërmetit në Marok, shkruan albinfo.ch.

Tifozët në “Air Albania” kanë fishkëllyer gjatë intonimit të himnit të Polonisë, ndërsa mjete të shumta plasëse janë hedhur në fushën e stadiumit dhe për këtë arsye është shtyrë për pak çaste fillimi i ndeshjes.

Në minutën e 21-të, Polonia ka kaluar në epërsi, gol që u anulua për pozitë jashtë loje pas rishikimit të situatës në VAR.

Shqipëria ka shënuar, pak minuta para përfundimit të pjesës së parë, duke kaluar në epërsi me golin e Jasir Asanit, të minutës së 37-të.

https://twitter.com/FootColic/status/1700954133270868054?ref_src=twsrc%5Etfw%7Ctwcamp%5Etweetembed%7Ctwterm%5E1700954133270868054%7Ctwgr%5E412ee6e80771d06c4d6ed09019412b1f16754333%7Ctwcon%5Es1_&ref_url=https%3A%2F%2Fwww.gazetaexpress.com%2Fgooollll-asani-vjen-me-supergol-per-shqiperine%2F