Përurohet Oda Ekonomike Kosovë-Zvicër

Marrin pjesë zëvendëskryeministri i parë në Qeverinë e Kosovës, Behxhet Pacolli, zëvendëskryeministrja dhe ministrja e Tregtisë dhe Industrisë, Mimoza Kusari-Lila dhe ministri i diasporës, Ibrahim Makolli

Sonte, më 19 qershor në Bernë bëhet inaugurimi i Odës Ekonomike Kosovë-Zvicër. Ky eveniment realizohet nën përkujdesjen e ambasadorit të Republikës së Kosovës në Zvicër, Naim Malaj dhe kryetarit të Odës Ekonomike Kosovë-Zvicër, Stefan Sarkany.

Themelimi i kësaj ode konsiderohet si një kontribut i mëtejmë në forcimin e marrëdhënieve ekonomike në mes të Zvicrës dhe Kosovës.

Në pritjen e cila organizohet në ambientet e restorantit Mappamondo të Bernës është paralajmëruar edhe prania e përfaqësuesve të lartë të institucioneve kosovare.

Albinfo.ch merr vesh se ndër personalitetet që pritet të jenë të pranishëm aty ndodhen edhe zëvendëskryeministri i parë në Qeverinë e Kosovës, Behxhet Pacolli, zëvendëskryeministrja dhe ministrja e Tregtisë dhe Industrisë, Mimoza Kusari-Lila, ministri i diasporës, Ibrahim Makolli.