Përurohet trilogjia e Avni Deharit “Gjergjat në drita përkrenaresh”

Promovimi bëhet në kuadrin e aktiviteteve të "Vitit të Skënderbeut" që përkon me 550 vjetorin e vdekjes së kryeheroit të shqiptarëve, Gjergj Kastriotit - Skënderbeut

Duke filluar nga 3 marsi, në disa qytete të Zvicrës bëhet promovimi i trilogjisë “Gjergjat në drita përkrenaresh” të autorit të njohur nga Kosova, i cili më parë ka jetuar në Zvicër, Avni Dehari.

Promovimi bëhet në kuadrin e aktiviteteve të “Vitit të Skënderbeut” që përkon me 550 vjetorin e vdekjes së kryeheroit të shqiptarëve, Gjergj Kastriotit – Skënderbeut.

Promovimi i parë bëhet më 3 mars në Gjenevë, për të vazhduar më 4 mars në Ostermündingen (Bernë) dhe Rapperswil-Jona (St.Gallen), pastaj 8 mars në Kreuzlingen (ZG), 10 mars Wil dhe Flums St, Gallen) dhe më 11 mars në Lozanë.

Organizatorët falënderojnë përzemërsisht të gjithë ata që kontribuan në ribotimin e kësaj trilogjie dhe njëkohësisht i ftojnë dashamirët e librit të marin pjesë në këtë përurim libri.

Në pllakatin më poshtë i gjeni të dhënat më të hollësishme rreth kësaj serie promovimesh.