Përveç Muriqit, mund të mungojë edhe Herolind Shala

Mesfushori Shala mund të mos luaj sot, shkaku i lëndimit

Duket se Kosova e ka marrë edhe një goditje tjetër para ndeshjes së sotme kualifikuese për Euro 2020 kundër Republikës së Çekisë, pasi e ka humbur Herolind Shalën shkaku i lëndimit.

Thuhet se mesfushori Shala ishte në dyshim edhe pasi u grumbullua nga Kosova të hënën.

Vlen të theksohet se Kosovës i duhet fitorja patjetër ndaj çekëve për ta realizuar kualifikimin e ëndërruar në ndeshjen e fundit në Grupit A kualifikues kundë Anglisë, të dielën në Prishtinë.

Shala i bashkohet një liste me disa mungesa të rëndësishme te Kosova, sulmuesit kryesor Vedat Muriqit, i cili e lëndoi nyjën e këmbës në fundjavë në një ndeshje me ekipin e tij Fenerbahçe, si dhe Arbër Zenelit dhe Hekuran Kryeziut, të cilët mungojnë tash e disa muaj.

“E kemi një problem me Shalën, ta shohim nëse do të jetë gati, do ta shohim situatën. Ai dëshiron të luajë dhe të shohim”, ka thënë Challandes, përcjell albinfo.ch.

---