Petkovic, Xhaka dhe Shaqiri njëzëri: Kërkojmë fitore kundër Belgjikës

Pas fitores së Zvicrës kundër Islandës, fituesi i grupit do vendoset në 18 nëntor në ndeshjen mes Zvicrës dhe Belgjikës.

Zvicra triumfoi kundrejt Islandës dhe tani mendon ndeshjen e kthimit kundër Belgjikës, që në fakt, përveç revanshit helvetët do kërkojnë edhe vendin e parë në grup. Kjo arrihet vetëm me fitore të Zvicrës kundër Belgjikës në 18 nëntor në Luzern, shkruan albinfo.ch.

“Tani ne kërkojmë më shumë. Duhet çdoherë të jemi të uritur,” tha trajneri Vladimir Petkovic. Kapiteni dhe lojtari i ndeshjes mes Zvcirës dhe Islandës, Granit Xhaka, tha përgjatë konferencës se janë në hapa të duhur dhe kërkon që në “fund të rënditen të parët”.

Më i qartë ishte Xherdan Shaqiri: “Ne do gëzohemi të gjithë në revanshin kundër Belgjikës dhe duam të tregojmë, që ne edhe mund të mposhtim.”

 

 

---