Pfizer dhe Moderna testojnë vaksinat kundër variantit të ri të Coronavirusit

Keystone Oxford/John Cairns via AP)

Pfizer dhe Moderna po testojnë vaksinat e tyre të koronavirusit për të parë nëse ato funksionojnë kundër versionit të ri të virusit që është gjetur ditëve të fundit në Mbretërinë e Bashkuar dhe vendet e tjera, sipas deklaratave të kompanisë.

“Bazuar në të dhënat e deritanishme, ne presim që imuniteti i shkaktuar nga vaksina Moderna të jetë mbrojtës ndaj varianteve të përshkruara kohët e fundit në MB”, tha Moderna në një deklaratë.

“Ne do të kryejmë teste shtesë në javët e ardhshme për të konfirmuar këtë pritje”.

Pfizer tha se tani po “gjeneron të dhëna” se sa mirë mostrat e gjakut nga njerëzit e imunizuar me vaksinën e saj “mund të jenë në gjendje të neutralizojnë llojin e ri të koronavirusit në Mbretërinë e Bashkuar”.

Pfizer dhe Moderna bëjnë të vetmet dy vaksina të koronavirusit që janë autorizuar nga Administrata Amerikane e Ushqimit dhe Barnave.

Për variantin e ri të COVID-19, dy kompanitë thonë se kanë zbuluar se vaksinat e tyre funksiononin edhe kundër variacioneve të tjera të virusit.