Piromani i vë zjarrin ekranit të Festivalit të Filmit në Lokarno

Ekrani gjigant në Piazza Grande në Lokarno për pak është shkatërruar të shtunën. Një zviceran 37-vjeçar, i cili kishte pirë shumë, i ka vënë zjarrin ekranit në orë dy të mëngjesit. Ai u arrestua menjëherë më pas.

Zjarri kërcënoi për një moment ekranin gjigand të vendosur me rastin e festivalit të Lokarnos. Fatmirësisht, zjarri u kontrollua shumë shpejt nga zjarrfikësit e Lokarno-s. Policia ka bërë të ditur se nuk ka persona  të lënduara. Njeriu, i njohur për ekseset e tij, kishte ndezur zjarrin edhe në disa manifestime të tjera, thekson policia e Ticino-s. Ai, pra, ka shkaktuar disa herë dëme të shumta.