Pista të ndryshme për pengjet zvicerane në Pakistan

Sipas gazetarit pakistanez Imtiaz Gul, pengjet duhet të jenë ose në duar të talibanëve pakistanezë ose të lëvizjes islamike të Uzbekistanit IMU.

Kanë kaluar dy javë nga kidnapimi i një çifti zviceran në Pakistan dhe ende askush nuk ka të dhëna rreth vendndodhjes së tyre. Autoritetet pakistaneze nuk dinë asgjë të saktë as për identitetin apo përkatësinë e kidnapuesve.

Shefi i administratës i distriktit Loralai ku dy zviceranët janë grabitur ja deklaruar se forcat e sigurisë janë duke e vazhduar kërkimin me intensitet të pazvogëluar.

Dy të kidnapuarit po udhëtonin me një makinë kombi kur, më 1 korrik, gjatë një pushimi në një hotel, u grabitën. Një njoftim nga java e kaluar sipas të cilit ishte paraqitur grabitësi i tyre, një udhëheqës talibanësh, doli i rrejshëm.

Megjithatë, sipas gazetarit pakistanez Imtiaz Gul, në një deklaratë të dhënë për televizionin zviceran, dy pengjet duhet të jenë ose në duar të talibanëve pakistanezë ose të lëvizjes islamike të Uzbekistanit IMU. Por, ai favorizon më shumë këtë të fundit. Në rastin e IMU-së sipas Gul, nuk bëhet fjalë për motive politike por para së gjithash për para për mbijetesë.

Organizata të vetmin burim ekzistence ka kidnapimet, ka thënë Gul.