Policët serbë të veriut të Kosovës refuzojnë zbatimin e vendimit të Qeverisë për targat ilegale

Policët e komunitetit serb që shërbejnë në kuadër të Policisë së Kosovës në pjesën veriore të Mitrovicës kanë marrë vendim që të mos zbatojnë vendimin e Qeverisë së Kosovës për shqitimin e qortimeve ndaj atyre që ngasin automjete me targa ilegale, transmeton albinfo.ch.

Drejtori rajonal i Policisë së Kosovës për veriun Nenad Gjuriç, pas një takimi me anëtarët e Listës Serbe, tha se policët e komisariatit të tij nuk do ta zbatojnë vendimin, pasi sipas tij është politik dhe kundër komunitetit serb.

Sipas tij, në veri të Kosovës janë dërguar policë nga Prishtina për të lëshuar paralajmërimet. Gjuriç shtoi se prezenca e forcave speciale në komunat me shumicë serbe ishte pa dijeninë dhe aprovimin e tij dhe se një gjë e tillë “sjell frikë dhe trazira për njerëzit”.