Policia shqiptare gjen çiftin belg

Policia shqiptare ka arritur të gjejë pas disa orësh kërkim, çiftin e turistëve belgë që u “zhdukën” në malet e Himarës.

Ata kishin dalë për ecje në malet e zonës, por nuk ishin kthyer më, raportojnë mediat shqiptare.

Kjo ka bërë që policia të vihet në lëvizje dhe të dalë në kontrolle në gjithë zonën përreth bashkisë së Himarës. Madje, edhe banorët lokalë u kanë dalë në ndihmë për t’i gjetur, përcjell albinfo.ch.

Ata raportohen të jenë në gjendje të mirë shëndetësore dhe nuk kanë pasur probleme të tjera, por ende nuk dihet se përse humbën gjurmët.

Çifti belg ishin të moshës rreth 55-vjeçare dhe të pasionuar pas alpinizmit.