Popullsia e BE-së rritet për herë të parë në 3 vjet

Gjermania mban vendin e parë

Duket se popullsia e Bashkimit Evropian është rritur në vitin 2022 për herë të parë në 3 vjet, referuar të dhënave të reja të publikuar nga Eurostat të martën, përcjell albinfo.ch.

Ani pse në vitin 2022 u regjistruan më shumë vdekje se sa lindje, shtimi i migrimit në BE rriti popullsinë, raporton Euronews.

Më 1 janar 2023, 448.4 milionë njerëz jetonin në BE, krahasuar me 446.7 milionë një vit më parë.

Në vitin 2020 dhe 2021 popullsia ishte në rënia për shkak të pandemisë Covid -19.

Sipas Eurostat, rritja e popullsisë në vitin 2022 mund t’i atribuohet rritjes së migrimit pas pandemisë dhe një fluksi të personave të zhvendosur nga Ukraina pas pushtimit të Rusisë në shkurt 2022.

Rreth 4 milionë njerëz nga Ukraina kanë kërkuar strehim të përkohshëm në BE që nga marsi i vitit 2023.

Eurostat po ashtu njoftoi se numri i banorëve është rritur në 20 vende të BE-së. Italia ka shënuar rënien më të madhe (-179,419 persona), ndërsa Gjermania ka shënuar rritjen më të madhe (1.12 milionë).

 

---