Portieri Alban Hoxha ishte i dehur

Kapiteni dhe portieri i skuadrës së Partizanit në Shqipëri është arrestuar nga policia për përdorim të veturës nën ndikimin e alkoolit.

31-vjeçari ndodhet në Komisariatin Numër 1 në Tiranë dhe pritet të dalë për masë sigurie në gjykatë të martën, duke rrezikuar kështu edhe derbin e kryeqytetit, përcjell albinfo.ch.

Lajmi për ndalimin e tij vjen në një moment të vështirë për Partizanit, pasi të premten luan në derbi kundër Tiranës.

Në testin e alkoolit Hoxha ka rezultuar në masën 0.52 miligramë për litër, ndërsa norma e lejuar është 0.30 miligramë për litër. Ndryshe drejtuesit e Partizanit kanë aplikuar gjoba dhe masa të tjera ndëshkuese për lojtarët, kur thyejnë rregullat e klubit.