Presidenti i Leverkusenit: Granit Xhaka nuk është në shitje

Ai ka theksuar se janë të kënaqur me kapitenin e Zvicrës.

Në një deklaratë për media, presidenti i Bayer Leverkusenit, Fernando Carro, tha se Granit Xhaka nuk është në shitje. Ai theksoi se janë të kënaqur me kapitenin e Zvicrës, përcjell albinfo.ch.

Thuhet se reagimi i presidentit të Leverkusenit vjen pas raportimeve se Xhaka mund të largohet gjatë verës për t’iu bashkuar skuadrës turke Galatasaray.

“Ne jemi shumë të lumtur me të. Nuk planifikojmë ta lëshojmë,” tha Carro, shkruan “Blick”.

Xhaka, 32‑vjeçar, është lider i Leverkusenit. Mesfushori me origjinë kosovare ka fituar me Leverkusenin titullin kampion dhe Kupën e Gjermanisë. Edicionin e kaluar, Leverkuseni humbi në finale të Ligës së Evropës ndaj Atalantës.

Në edicionin aktual, Xhaka ka shënuar dy gola dhe ka asistuar shtatë herë në 30 ndeshje në Bundesligë. Leverkuseni është ende në garë me Bayern Munichun për titullin, por ka gjasa të vogla.

---