Prishtinë: Dy minuta në errësirë në nderim për të pagjeturit

Në Kosovë sot u shënua Dita Kombëtare e të Pagjeturve.

Edhe 21 vjet pas përfundimit të luftës nuk dihet asgjë për fatin e 1`641 personave.

Në nderim dhe solidarizim për ta dhe familjet e tyre, Kryetari i Komunës së Prishtinës Shpend Ahmeti ka thënë se i janë bashkuar thirrjes për fikjen e dritave për dy minuta.

Ai në Facebook ka postuar një video me pamje nga Prishtina.

“Edhe ne iu bashkëngjitëm fikjes së dritave për të shënuar ditën kombëtare të personave të pagjetur nga lufta e fundit në Kosovë”, ka shkruar Ahmeti.

Gjatë ditës, Ambasada amerikane në Prishtinë, me rastin e Ditës së të Pagjeturve, u ka bërë thirrje qytetarëve që t’i fikin dritat për dy minuta sonte në ora 20:00, për të shprehur solidaritetin me personat e pagjetur, përcjell Albinfo.ch