Prishtinë: Dyshohet se një 14-vjeçare u drogua dhe u dhunua nga pesë persona

Mëngjesin e së dielës dyshohet se disa persona e kanë droguar dhe dhunuar një vajzë të mitur në Prishtinë.

Ngjarja dyshohet të ketë ndodhur në një objekt në rrugën “Tirana” në Prishtinë dhe, sipas raportimeve, viktima është një vajzë e moshës 14-vjeçare, e cila ka rrëfyer tek autoritetet se rasti ka ndodhur mbrëmë pas mesnate në një objekt në ndërtim e sipër.

Sipas informacioneve të para, bëhet fjalë për pesë persona, që dyshohen se kanë abuzuar seksualisht me viktimën, e të cilët akoma nuk janë identifikuar, raporton Sinjali.

Tutje burimet thonë se të dyshuarit fillimisht e kanë detyruar vajzën të konsumojë substanca narkotike dhe pasi e kanë droguar, dyshohet se e kanë dhunuar.

E mitura është gjetur diku në një rrugë të kryeqytetit në orët e mëngjesit dhe më pas është njoftuar Policia e Kosovës, transmeton albinfo.ch.