Prokuroria: 14 vjet burg për shqiptarin që vrau ish partneren

Ai e kishte goditur ish të dashurën e tij me grusht në fytyrë dhe pastaj edhe me thikë. Viktima kishte vdekur në vendin e ngjarjes nga plagët e shkaktuara prej therjeve

Në shtator të vitit 2014, shqiptaris 37 vjeçar kishte vrarë me disa goditje me thikë në qendër të fshatit Fisslibach, kantoni Aargau, ish partneren e tij. Para Gjykatës,  shtetasi shqiptar po përgjigjet për veprën penale vrasje të rëndë për çka prokuroria ka kërkuar 14 vjet burg.

I akuzuari kishte kryer vrasjen vetëm një ditë pasi kishte ardhur në Zvicër, njofton Prokuroria e Përgjithshme e Aaragut. Më së voni atë ditë ai ka bërë planin për të takuar ish partneren e cila ishte ndarë nga ai, transmeton albinfo.ch. Ose do ta kthente nga vetja ose do ta mbyste atë dhe pastaj edhe veten, me një thikë që e kishte blerë.

Pasi që kishte kuptuar se nuk mund ta bindte që t`i kthehej ai e kishte goditur ish të dashurën e tij me grusht në fytyrë dhe pastaj edhe me thikë. Viktima kishte vdekur në vendin e ngjarjes nga plagët e shkaktuara prej therjeve me thikë.

Dorasi kishte ikur por së shpejti ishte arrestuar nga policia. Para kësaj ai i kishte shkaktuar edhe vetes plagë të rënda me thikë.