Promovohet turizmi familjarë në Rugovë

Pesë fshatra të trevës së Rugovës do të përfitojnë nga një projekt për zhvillimin e turizmit familjar

Projekti do të financohet nga Ministria e Punëve të Jashtme të Italisë dhe rajonit italian Trentino.

Projekti promovues i turizmit familjar “SEENET”, në vlerë prej 136 mijë euro, do të realizohet përmes programit të zhvillimit të turizmit “Rugova Experience”.

Ai do të krijojë në Pepaj, Malaj, Llutovë, Rekë e Allagës dhe Drelaj të Rugovës, zona turistike më shtigje të shënjuara, vendstrehime dhe banka për pushime.

Me këtë projekt është paraparë rindërtimi i katër shtëpive të vjetra me ambiente tipike rugovase, në të cilat vizitorët e huaj dhe ata të vendit, mund të banojnë dhe të ushqehen me ushqime tradicionale të Rugovës.

Për gjithë përmbajtjen e këtij projekti, është njoftuar edhe kryetari i Pejës, Ali Berisha, nga bartësit e projektit, Luka Jeti, nga Ministria e Punëve të Jashtme të Italisë dhe Maria Tereza e rajonit të Trentinos.

Implementuesit e projektit janë të përkushtuar të ngritin standardet e turizmit familjar, si bazë e rëndësishme për zhvillimin e turizmit në Bjeshkët e Rugovës.