Protestat kundër masave Covid nuk do të lejohen më në Bernë

Autoritetet komunale njoftuan se nuk do të tolerojnë më protesta të paautorizuara kundër Covidit në qytet.

Vendimi vjen pas një demonstrate të tillë, në të cilën morën pjesë rreth 4,000 njerëz, e cila u mbajt në Bernë më 16 shtator. 

Protestuesit larguan dhunshëm gardhin e ngritur për të mbrojtur Pallatin Federal dhe policia ndërhyri me një top uji, plumba gome dhe gaz, veçanërisht pasi turma e pabindur hodhi objekte dhe fishekzjarre drejt policisë, shkruajnë mediat zvicerane, përcjell albinfo.ch. 

Në Zvicër ka pasur disa protesta për rregullat e anti-Covid, derisa Qeveria zvicerane ka shtrënguar masat, sidomos për udhëtarët nga 20 shtatori.  

Numrat kanë filluan të ulen dhe ka më pak pacientë në spitalet zvicerane.