Protestë në Prishtinë: Dënohet dhuna e policisë

Lorik Bajrami, nga “Çohu”, ka thënë se kjo protestë mbahet në shenjë pakënaqësie ndaj intervenimit të dhunshëm të policisë ndaj protestuesve

Qindra qytetarë kanë protestuar para ndërtesës së Qeverisë së Kosovës, kundër intervenimit tëdhunshëm  policisë ndaj qytetarëve dhe aktivistëve të ‘Vetëvendosjes’, më 14 janar në pikat kufitare në Merdarë dhe Dheu i Bardhë.

Kështu ata i janë përgjigjur thirrjes së 25 organizatave joqeveritare në Kosovë, për të protestuar.

Nën moton “Qeveria policore dhunoi qytetarët dhe institucionet e shtetit të Kosovës”, ata kanë brohoritur parullën të ndryshme kundër Qeverisë.

Lorik Bajrami, nga organizata “Çohu”, ka thënë se kjo protestë mbahet në shenjë pakënaqësie ndaj intervenimit të dhunshëm të Policisë së Kosovës ndaj protestuesve.

Organizatat joqeveritare po ashtu kanë shprehur revoltën ndaj qëndrimeve të bashkësisë ndërkombëtare.

Sipas tyre përfaqësuesit e bashkësisë ndërkombëtare nëpërmjet  deklaratave kanë legjitimuar dhunën e Qeverisë së Kosovës ndaj qytetarëve.