Protestë paqësore kundër dënimeve në procesin “Monstra”

Protesta paqësore mbahet të shtunën më 19 korrik, nga ora 12 deri në orën 13 në Helvetiaplatz, Bernë

Një grup iniciativ nga Berna, me emrin “Grupi për protestë paqësore”  njofton se më 19 korrik, organizohet një  protestë paqësore në Bernë kundër dhunës policore në Maqedoni.

Si reagim ndaj dhunës policore të ushtruar në Maqedoni, grupi në ka vendosur të mbajë një manifestim  në Helvetiaplatz, në Bernë. Synimi i protestës është lirimi i të dënuarve me burg të përjetshëm në rastin “Monstra”, thuhet në njoftimin e dërguar nga grupi i përmendur.

Ndërkaq, i  kontaktuar nga albinfo.ch, përfaqësuesi i grupit, Florin Kadriu nga Kërçova, me qëndrim në Zvicër thotë se nuk ka ndonjë shoqatë të regjistruar e cila do ta bartte peshën e organizimit të protestës. “Pas kontaktimit e një grup prej rreth dhjetë shokësh, ë prekur nga dënimi i shqiptuar në Shkup kundër gjashtë shqiptarëve, vendosëm të ndërmarrim diçka që edhe ne shqiptarët me qëndrim në Zvicër të solidarizohemi me protestuesit në Maqedoni. Kërkesën per leje epër të protestuar e kam bërë vetë si person privat dhe leja më është dhënë. Me këtë rast Policia Kantonale e Bernës ka marrë përsipër edhe sigurimin e tubimit. Ata madje do të na e mundësonë që një grup prej 5-10 vetash, i autorizuar nga protestuesit, i shoqëruar nga policët të shkojë deri te Ambasada e Maqedonisë për ta exuar atje një notë proteste”, thekson Kadriu. Ai pret se do të ketë pjesëmarrje masive të shqiptarëve në këtë protestë paqësore

Protesta paqësore mbahet të shtunën më 19 korrik, nga ora 12 deri në orën 13 në Helvetiaplatz, Bernë