Pse është i rëndësishëm qyteti ukrainas Lviv?

Siç u raportua më herët, zyrtarët ukrainas thonë se forcat ruse kanë kryer një sulm me raketa në një qendër trajnimi ushtarak jashtë qytetit të Lviv.

Gazetarët e BBC në Lviv thonë se nuk u dëgjuan shpërthime në qendër të qytetit.

Lviv është vetëm 80 km (50 milje) larg kufirit polak dhe një destinacion për shumë ukrainas që ikin nga pjesë të tjera të vendit.

Në ditët e para të pushtimit, forcat ruse shënjestruan rajone në veri, lindje dhe jug, duke përfshirë kryeqytetin Kiev. Por ditët e fundit forcat ruse kanë shënjestruar rajone në qendër, si Dnipro, dhe në perëndim si Ivano-Frankivsk.

Lviv, një qytet historik dhe piktoresk i njohur për trashëgiminë e tij kulturore, deri më tani ka mbetur i paprekur nga Rusia.

Por ky qytet është përgatitur për luftë dhe ka kryer përgatitjet për të mbrojtur monumentet e saj historike.