Pse gjykata në Cyrih anuloi lejen e ndërtimit për McDonald’s?

Projekti për hapjen e një restoranti të ri në qytetin e vjetër të Zurich kundërshtohet për shkak se nuk përshtatet me arkitekturën historike të zonës

Një gjykatë administrative në Cyrih ka vendosur të anulojë lejen e ndërtimit për një restorant të ri të rrjetit të njohur të ushqimit të shpejtë McDonald’s në pjesën historike të qytetit, përcjell albinfo.ch.

Vendimi erdhi pasi kundërshtarët e projektit, mes tyre edhe aktorja britanike Emma Thompson, kishin kundërshtuar ndërtimin e restorantit në qytetin e vjetër.

Sipas gjyqtarëve të gjykatës administrative, disa elemente të planifikuara për ndërtesën, përfshirë oxhaqet e dukshme të ventilimit, nuk përputhen me arkitekturën historike të lagjes dhe prishin pamjen karakteristike të zonës.

Pas vendimit të gjykatës, një zëdhënës i kompanisë McDonald’s deklaroi se kompania është “jashtëzakonisht e befasuar” nga ky vendim.

Megjithatë, kompania ka ende mundësi të ankimojë vendimin brenda 30 ditësh, ndërsa mbetet e paqartë nëse projekti do të vazhdojë apo do të anulohet përfundimisht./Albinfo.ch

---