Punon në Zvicër, ndërton fermë viçash në Vuthaj

Genc Gjonbalajt, që jeton në Zvicër, por  ndërtoi fermën e viçave në fshatin Vuthaj. Ferma e tij fillimisht do të ketë rreth 150 viça, ndërsa tregun e shitjes e ka të garantuar

Kohëve të fundit është vërejtur një interesim më i madh i bashkatdhetarëve për të investuar në vendlindje. Kursimet e tyre, ata nuk po i shpenzojnë aty ku po punojnë, por po investojnë në atdhe. Rasti konkret është i Genc Gjonbalajt, që jeton në Zvicër, por  ndërtoi fermën e viçave në fshatin Vuthaj.

Ky është investimi i parë konkret në këtë fshat, që si qellim ka punësimin dhe aktivizimin e mundësive të shumta në lëmin e blegtorisë që ka ky fshat dhe vendbanimet e tjera ne Plavë Guci. Ferma e tij në fillim do të ketë rreth 150 viça dhe se tregun e shitjes e ka të garantuar në Evropë, shkruajnë mediat në Prishtinë

Genc Gjonbalaj u lind dhe u rrit në Vuthaj me kushte te rënda ekonomike,por siç thotë Genci me modesti sa ma te rënd që e kisha jetën aq ma te fort dhe te thellë  dhe brumosur e kam dashurin ne shpirtin tim për Vuthaj dhe Plavë Gucinë.

Ndryshe, siç thuhet në një artikull , ka edhe investitorë të tjerë që dëshirojnë përmes investimeve të tyre të gjejnë veten ne vendlindjen e vet, por edhe institucionet komunale e në veçanti subjektet politike shqiptare duhet të jenë forcë motivuese për investitorët potencialë, dhe që t’i inkurajojnë ata e jo që me veprimet joracionale të tyre të krijojnë një klimë të disfavorshme për investimet e bashkatdhetarëve të diasporës sonë.