Pushimet kthehen me kolona në kufij

Në hyrje për në territorin e Maqedonisë, në pikëkalimin e Tabanocit janë regjistruar kolona të gjata deri në 500 metra

Sezona e pushimeve verore dhe ardhja në vendlindje e bashkatdhetarëve ka rikthyer sërish kolonat e gjata nëpër kufij. Mediet raportojnë se kolona janë krijuar në disa pika kufitarej, ndërsa me e theksuara mbetet ajo në Luginën e Preshevës, në vendkalimin Serbi-Maqedoni në Tabanoc.

Në hyrje për në territorin e Maqedonisë, janë regjistruar kolona të gjata deri në 500 metra, raporton zhurnal. I njëjti problem ndodhë edhe në pikëpagesat rrugore, por pritja këtu është më e vogël se sa në kufi.

Ndërsa në pikat kufitare me Kosovën, tek Dheu i Bardh dhe në Merdare nuk ka kolona. Por,ato pritet të krijohen kryesisht në fundjave kur fillon fluksi i ardhjes së bashkatdhetarëve. Albinfo.Ch edhe më herët ka raportuar për kolonat në kufij, ndërsa u ka rekomanduar bashkatdhetarëve që t’i shfrytëzojnë edhe pikëkalimet tjera kufitare, në Mutivodë dhe Muçibabë.