Putin: Operacioni ushtarak do të kryhet deri në fund

Keystone

Presidenti rus, Vladimir Putin, është i zemëruar, shkruan blick.ch, ku në një fjalim televiziv drejtuar ministrave të qeverisë të mërkurën deklaroi se Rusia do t’i arrijë qëllimet e saj në Ukrainë, përcjell albinfo.ch.

Putin tha se shtetet e Perëndimit planifikojnë të arrijë dominimin global – dhe të “shpërbëjnë” Rusinë.

Putini nuk dëshiron të dëgjojë për një seri disfatash nga trupat e tij në Ukrainë. Në fjalimin e tij ai thotë se “operacioni special për çmilitarizimin dhe denazifikimin e Ukrainës” po “zhvillohet me sukses”.

Aktualisht po zhvillohen bisedimet për arritjen e paqes midis Ukrainës dhe Rusisë. Kohët e fundit, mbizotëroi një optimizëm i lehtë se lufta do të përfundonte. Të paktën në anën ukrainase.