Qeveria e Francës ka premtuar angazhimin e 3000 mësuesve shtesë, pas protestave masive të nxënësve.
Ministri i Arsimit, Edouard Geffray, e ka dhënë premtimin, që shënon deklaratën e parë nga qeveria si përgjigje ndaj ankesave të protestuesve.
Qeveria ka thënë se janë arrestuar 6877 persona, prej të cilëve 86% janë nën moshën 18 vjeç, transmeton albinfo.ch.
Raportohet se rreth 71,000 njerëz protestuan në mbarë vendin dje, ndërsa 24,000 prej tyre u mblodhën në sheshin “Bastille” në Paris, shkruan BBC.
Policia ndërhyri sërish me gaz lotsjellës për të shpërndarë grupet që e sulmonin me gurë dhe mjete piroteknike të improvizuara.
Të premten, rreth 140 shkolla të mesme, nga gjithsej 3,500, ishin të mbyllura plotësisht ose pjesërisht, një shifër kjo dukshëm më e ulët krahasuar me ditët e mëparshme.
Ndryshe, prej kohësh në Francë kishte ankesa për arsimin pasi shumë orë mësimore humbeshin për shkak të mungesës së mësuesve dhe sepse nuk kishte staf zëvendësues.
