Qeveria zvicerane: Turqia të zbatojë armëpushim të menjëhershëm në Siri

Qeveria zvicerane ka bërë thirrje që Turqia të zbatojë një armëpushim të menjëhershëm në Siri

Duke përsëritur pikëpamjen se ndërhyrja ushtarake e Turqisë në Siri është kundër ligjit ndërkombëtar, qeveria tha se Turqia “duhet të ndërpresë menjëherë të gjitha armiqësitë dhe të punojë përmes negociatave drejt de-përshkallëzimit të menjëhershëm dhe një zgjidhje politike për konfliktin”.

“Prandaj Zvicra mbështet në mënyrë aktive përpjekjet e të Dërguarit Special të KB për Sirinë për të mbledhur një Komitet Kushtetues Sirian në Gjenevë”, thuhet në deklaratën e qeverisë, përcjell albinfo.ch.

Qeveria zvicerane gjithashtu tha se ishte “shumë e shqetësuar” për situatën humanitare në Siri, veçanërisht atë të civilëve të zhvendosur. Situata është “e pasigurt dhe është përkeqësuar në mënyrë të konsiderueshme si rezultat i aksionit të përtërirë ushtarak”, me më shumë se 210,000 njerëz tani u larguan nga Siria në veri-lindje.

Si përgjigje, qeveria thotë se planifikon disa përjashtime nga sanksionet e saj kundër Sirisë për të lehtësuar ndihmën humanitare. Kjo do të thotë një regjim përjashtimi që lejon grupet e ndihmave të financuara nga Zvicra dhe përfaqësitë diplomatike zvicerane “të krijojnë burime financiare për personat, kompanitë dhe subjektet që u nënshtrohen sanksioneve, me kusht që këto transaksione të jenë të nevojshme për të siguruar ndihmë humanitare ose për të mbështetur popullsinë civile”, përcjell albinfo.ch.

---