Qeveria kufizon pagat e shefave të ndërmarrjeve publike

Ndërmarrje publike në Zvicër konsiderohen Posta, Ndërmarrja Federale e Hekurudhave (SBB/CFF), ajo për prodhimin e armatimit dje pajisjeve ushtarake Ruag etj.

Ndërmarrjet e afërta me qeverinë ose ndërmarrjet publike, në të ardhmen nuk do t`i kenë duart e lira për të caktuar të ardhurat e kuadrove të tyre të larta. Për të trajtuar këtë problematikë Këshilli Federal ka caktuar rregulla më të shumta, shkruan sda.ch

Ndërmarrje publike në Zvicër konsiderohen Posta, Ndërmarrja Federale e Hekurudhave (SBB/CFF), ajo për prodhimin e armatimit dje pajisjeve ushtarake Ruag etj.

Bazuar në vendimin më të ri të qeverisë, bonusët për kuadrot e përmendur në të ardhmen mund të jenë maksimalisht sa gjysma e pagës fikse, përcjell albinfo.ch. Ndërsa për pagesat plotësuese si ato për mbulimin e shpenzimeve, sigurimet ose përdorimin e automjetit të punës, nuk do t`u lejohet kompensim që kalon më shumë se 10 për qind të ardhurat bazë të tyre.

Krahas kufizimeve të përmendura, asambletë e përgjithshme të ndërmarrjeve në fjalë në të ardhmen do të mund të caktojnë kufijtë e epërm për pagat e udhëheqësve të ndërmarrjeve përkatëse. Për të realizuar të gjitha këto ndryshime, statutet e ndërmarrjeve publike duhet të ndryshohen më së voni në vitin 2018.