Qindra turq demonstrojnë në Cyrih

Pjesëmarrësit u mblodhën ballë Konsullatës së Përgjithshme për të shprehur mbështetjen e tyre për presidentin Erdogan.

Disa qindra persona u mblodhën të shtunën në mbrëmje para Konsullatës së Përgjithshme turke në Cyrih. Ata shprehën mbështetjen e tyre për presidentin Rexhep Tajip Erdogan, pas grushtit të shtetit të dështuar gjatë natës të së premtes.

Protestuesit u mblodhën ballë konsullatës përmes një thirrjeje në Facebook. Shumica prej tyre janë paraqitur duke valëvitur flamurin turk të kuq ose thjesht të mbështjellë rreth supeve me të. Ndërsa ca protestues ishin veshur bluza me fotografinë e Erdoganit.

Disa pjesëmarrës kanë deklaruar për agjencinë ATS se ata dolën në rrugë për të shprehur mbështetjen e tyre për presidentin Erdogan. Të tjerë thoninë se nuk kanë dalë për të mbështetur një person, por një çështje më të gjerë, pra  “demokracinë”. “Kolegu im zgjodhi një parti tjetër, për të cilën nuk kam votuar, por ne jemi që të dytë për demokracinë, kjo është arsyeja pse ne jemi këtu të gjithë”.

Në natën mes të premtes dhe të shtunën disa njerëz ishin mbledhur tashmë jashtë konsullatës. Kjo kishte ndodhur në mënyrë paqësore, bëri të ditur policia. Gjithashtu të shtunën, asnjë incident nuk është raportuar.