Qiramarrësit afatgjatë paguajnë deri në 90% më pak qira se qiramarrësit e rinj në Zvicër

Studim i ri tregon rritje të ndjeshme të hendekut të qirave, sidomos në Cyrih dhe Gjenevë

Një analizë e re e publikuar nga  “Zurich Cantonal Bank” tregon se qiramarrësit afatgjatë në Zvicër paguajnë dukshëm më pak qira krahasuar me personat që marrin të njëjtin banim si qiramarrës të rinj, përcjell albinfo.ch.

Sipas raportit, diferenca mes qirave ekzistuese dhe atyre të reja është rritur në 21 për qind në nivel kombëtar, nga 14 për qind sa ishte tre vite më parë.

Ky hendek është veçanërisht i theksuar në rajonin e Cyrihut, ku arrin në rreth 33 për qind, ndërsa në Gjenevë diferenca shkon deri në 58 për qind, sipas të dhënave të bankës.

Analiza thekson se kjo situatë krijon pabarazi në tregun e banesave, duke bërë që qiramarrësit ekzistues të përfitojnë nga kontrata afatgjata me çmime më të ulëta, ndërsa hyrja në treg për qiramarrësit e rinj bëhet gjithnjë e më e shtrenjtë.

Ekspertët e tregut të banesave në Zvicër paralajmërojnë se ky trend po e thellon krizën e përballueshmërisë së banesave, sidomos në qytetet e mëdha dhe zonat me kërkesë të lartë për banim./Albinfo.ch

---