Qytetarët francezë protestojnë për kostot e larta të jetesës

youtube

Me mijëra qytetarë francezë dolën në rrugët e Parisit, duke brohoritur e duke denoncuar modelin e ri të jetesës, kostot e larta që po paguajnë për jetën e përditshme.

“Të gjitha shpenzimet ditore janë shumë të vështira. Edhe për shtresat e mesme. Më lejoni të jem i sinqertë, shumica e njerëzve duke filluar nga data 5 ose 10 e muajit mbarojnë me rrogën e tyre, nuk ka mbetur asgjë në llogarinë bankare. Ne jemi të detyruar të japim alarmin”, shprehet një prej tyre.

“Çmimi i nevojave bazë  – ushqime, perime, fruta – është rritur me rreth pesëdhjetë për qind. Dje isha në treg… kilogrami i rrushit tani është 6 apo 7 euro. Gjalpi kushton 3 € për 250 gr, është shumë reale’, thotë një tjetër.

Sindikatat thonë se 140,000 njerëz morën pjesë në një marshim të krijuar për të denoncuar koston e lartë të jetesës dhe atë që ata e përshkruajnë si “mosveprimin” e qeverisë franceze për klimën.

Dhe gjërat pothuajse dolën jashtë kontrollit kur policia u përpoq të pengonte demonstruesit të përfundonin marshimin.

Qeveria franceze këmbëngul se po merr masa për ta bërë jetën më të lehtë për qytetarët e saj. Por ata që protestojnë në rrugë nuk janë dakord me të.

Dhe u zotuan se do t’i rezistojë një kalendari ambicioz të reformave që përfshijnë rishikimin e diskutueshëm të sistemit të pensioneve.

Ata mund të kenë sukses pasi këtë të martë është parashikuar një grevë mbarëkombëtare në shumë sektorë./Euronews